Тајните на Тоскана - Анџела Печ

Нежна љубовна приказна и долго чувана тајна на фонот на живописните пејзажи на Тоскана. За време на Втората светска војна, младата Инес Сантини го става животот на коцка во италијанската Резистенција, лекувајќи ранети војници заедно со брат си и најблиската пријателка. Но што се случува кога еден од нив — британски воен затвореник во бегство — ѝ го освојува срцето? Четириесет и пет години подоцна, Инес ѝ оставa на ќерка си Ана искршена кутија со писма и дневници и ветување дека внатре е вистината.